Nagpangayo sang pasaylo ang marketing communications company sa likod sang “Love the Philippines” campaign sang Department of Tourism (DOT) bangod sa paggamit sang stock footages sang Thailand, Indonesia kag Dubai sa promo video para sa pungsod, sa panindugan nga ang video ang para lamang sa internal use.
Sa statement sang DDB Philippines kahapon, ginpahayag sang mga ini nga ang presentation nga gin-uplaod sa social media ang ginhimo agud mangin “mood video” kag ma-excite ang mga internal stakeholders tuhoy sa campaign.
Dugang pa sang kompanya, nga apisar standard practice na sa industriya ang paggamit sang stock footage sa mood videos, aminado sila nga may kapaltahan ang ahensya sa paggamit sang foreign stock footage.
Suno diri, dapat kuntani nga istrikto nga nasunod ang proper screening kag approval processes.
Dugang pa sang DDB Philippines nga ang paggamit sang foreign stock footage sa campaign nga nagapromote sang Pilipinas ang wala nagasanto kag contradictory sa objectives sang DOT.
Ginpahayag naman ni DOT Director Ina Zara-Loyola nga ang gobyerno ang wala nagbayad kag indi magabayad para sa nasambitan nga video, samtang naglikaw naman sa pagkomento ang ahensya natuhoy sa apology statement sang kompanya.
Sa statement sang DDB Philippines, ginpahayag man sang mga ini nga wala sang public funds nga ginpagwa kag pagwaon agud pondohan ang video, kag ini ang inisyatibo lamang sang DDB agud makabulig sa pagpromote sang slogan.
