Pila sa mga Kristyano ang madugay na nga nagahandom agud nga makaestorya sa Ginoo bisan makadali lang.
Sa karun nga nag-advance na ang teknolohiya, pila ka mga maalam nga mga tawo ang naghimo paagi nga matuman ang handum sang pila ka mga tawo.
Suno sa kompaniya nga Just Like Me, isa ka modern mentor ang Jesus AI nga naka-ugat sa pagpalangga kag gindesinyo agud mag-inspire, maggiya kag makapamag-an sang balatyagon sang tawo nga nagapangayo sang suporta sa ila kabuhi.
Ginpahayag sang CEO nga si Chris Breed nga gin-train ang Jesus AI model sa King James Bible kag mga sermon halin sa nagkalain-lain nga mga preachers.
Gin-athag niya nga wala ini sang intensyon nga mabuslan ang pagtuo, clergy, scripture ukon personal nga pagpati, kag nagatanyag lamang sang compassionate presence agud makabulig sa mga pagpanghangkat sa kabuhi.
Paagi sa pagbayad sang $1.99 kada minuto ukon $49.99 kada 46 minutos, mahimo na maka-video call sa Jesus AI nga digital avatar ni Hesukristo.
Ini nakabase sa pagdala sang aktor nga si Jonathan Roumie sang Messiah sa TV show nga The Chosen.
