Ginreklamo sang Department of Agriculture ang kompaniya nga naga-import sang bombay bangud sa gina-alegar nga pag-import sang preska nga yellow onions sang nagligad nga tuig kun sa diin nagalapas sa food safety kag plant quarantine regulations.
Suno sa Bureau of Plant Industry nga attached agency sang DA, ang JRA and Pearl Enterprises Inc ang nag-import sang 25 metric tons sang yellow onions bisan nga wala sang import permit.
Nag-file sang reklamo ang Bureau of Plant Industry sa Manila City Prosecutor’s Office.
Samtang ginpahayag naman sang DA nga nag-untat na ini sa pag-issue sang Sanitary and Phytosanitary Import Clearances ukon import permits para sa fresh yellow onions humalin sa Enero 1 tubtob Agosto 19 sang nakaligad nga tuig.
Wala man makahatag sang paathag ang importer kun ngaa nag-import sang nasambit nga Bombay nga wala nagkuha sang nagakaigo nga certifications nga safe ini para sa human consumption kag indi makapalapta sang peste ukon masakit sa mga tanum.
