Nagbayad sang multa ang kumpaniya sang tanker nga responsable sa molasses spill sa marine reserve sa ciudad sang Sagay, Negros Occidental.
Sa interview sang Bombo Radyo Bacolod kay Bobby Togle, Assessment Head sang Sagay Marine Reserve, wala na sang trace sang mollasses spill sa Sagay marine reserve kag nakabayad naman sang P250,000 nga multa sa City Government ang kumpaniya sang Motor Tanker nga gintunaan sang mollasses spill.
Suno kay Togle ang ginbayad sang mga ini ang para sa mishandling sang molasses halin sa tanker padulong sa barko.
Nagpanugyan man ini sa mga nagakarga sang molasses sa barko nga mangin vigilante kag dapat nga ihandle ini sang maayo agud nga indi maliwat ang nagluntad nga molasses spill.
Madumduman nga nagluntad ang water discoloration sa baybayon sang ciudad sang Sagay bangod sa molasses spill.
Ang molasses ang gina-load sa Mary Queen of Charity motor tanker nga ginabyahe padulong sa Batangas.
