Ginareklamo ang isa ka konduktor sang modernized jeepney nga may routa Punta Taytay-Central Market matapos nga ginaalegar naghana nga magtapungol sa isa ka menor-de-edad.
Sa interview sang Bombo Radyo kay Alyas Rose, magulang sang nobya sang biktima, yara sagwa sang isa ka mall sa Singcang Airport ang iya manghod kag nobyo sini agud magbantay sang jeep.
Suno kay Alyas Rose, may nagpondo nga modernized jeepney kag ginhambalan ini sang konduktor nga sila ang magsagay.
Nagsabat ang lalaki nga menor-de-edad nga “gutok naman na nong” gani ginsabat ini sang konduktor nga sila ang magtaxi na lamang.
Nagsabat naman ang minor sang “ayos ah” nga mga tinaga kag hinali na lamang nga nanaog ang konduktor sa jeep, ginbuyayaw ang menor-de-edad kag ginhanaan ini nga sumbagon.
Suno kay Alyas Rose, natrauma na ang manghod niya nga magsakay sa modernized jeep kag mangin ang ginikanan sang nobyo sang iya manghod ang luyag nga ipablotter ang nasambit nga konduktor.
Wala sila sa karun sang detalye sining konduktor apang ila napicturan ang iban nga detalye sang salakyan.
