Ginakatingala ni Iloilo First District Representative Janette Garin kun ngaa ginpasulod sa Pilipinas ang mga Philippine Offshore Gaming Operators (POGOs) nga ginakabig illegal sa China.
Sa interview sang Bombo Radyo Bacolod sa kongresista, bisan ang pungsod China ang nagahatag sang rewards para sa mga pungsod nga nagaban ang illegal gambling operations kaangay sa Cambodia.
Apang sa baylo, ini ang ginlegitimize sa Pilipinas kag wala tuo ang pag-issue sang lisensya agud sila ang maka-operar sang legal.
Paathag ni Garin nga sa umpisa ang target sang POGO amo ang mga Chinese nga yara sa pungsod apang amat-amat man nga gintwist ang ila mga operations nga nagabiktima bisan sang mga Pilipino.
Magluwas sa mga panahor, gamit ang ila nga mga equipments, sila ang nagahimo man sang illegal activities kaangay sang loan scam, love scam kag iban pa.
Isa sa mga natalupangdan ang pagduging sang mga loan apps sa social media nga tuman ka dako ang interest rate, kag kun indi na mabayaran, ginapakahuy-an sa social media ang nangutang ukon ginapadal-an sang mensahe ang mga contacts.
Gani dako nga katingalahan kun ngaa ginbuksan sang Pilipinas ang piertahan para sa mga illegal Chinese operations nga ginasuka na mismo sa ila nga pungsod.
Panugyan ni Garin nga kuntani ginbuksan ang piertahan sang Pilipinas sa China sa patag sang trade kaangay sang pagbayluhanay ang agricultural products ukon technologies.
