Kongresista, luyag madiskusyunan ang findings tuhoy sa Public Transport Modernization Program

Nagpabutyag si Albay 2nd District Representative Joey Salceda sang willingness nga diskusyunan ang findings sang Ways and Means Committee nga ginapamunuan sini ang Public Transport Modernization Program (PTMP) sang gobyerno.

Ini matapos nagtukod sang isa ka special committee ang Department of Transportation agud i-review ang PTMP.

Sa isa ka sulat nga na-address kay DOTr Secretary Vince Dizon, ginsuhestiyon ni Salceda ang pagpili sang pinakabarato nga procurement sang public utility jeepneys nga gina-offer sang domestic manufacturers.

Nagpabutyag man ini sang pagkaalarma sa rebates nga kapin P400,000 per unit nga ginahatag sa mga pinuno sang transport cooperatives sa baylo sang pagpasugot nga magprocure sang isa ka sahi sang jeepney units.