Nagapati si House Committee on Ways and Means Chair at Albay 2nd District Representative Joey Salceda nga tion na agud magbakal sang panibag-o nga gamit ang Pilipinas ilabi na ang F16 fighter jets kag submarines agud mapakusog pa ang kapabilidad sang depensa sang Pilipinas sa ginaagawan nga teritoryo sa West Philippine Sea.
Ini sa tunga sang “laser attack” sang China batok sa barko sang Philippine Coast Guard nga gintunaan sang temporaryo nga pagkabulag sang mga crew sini.
Nagapatigayon sang pagpatrolya ang barko sang Philippine Coast Guard sa West Philippine Sea sang natabo ang insidente.
Suno kay Salceda, agud ini ang matigayon, dapat i-ammend ang Official Development Assistance (ODA) Law agud masiguro nga makaangkon sang top of the line air equipment kag igapresentar sini ang ammendment sa ODA Law agud masiguro nga may nagakaigo nga kapabilidad sa depensa sang pungsod.
Suno pa diri, indi dapat pag-ideklarar nga tubtob sa diplomasya lamang ang option sang Pilipinas batok sa China.
Suno pa sa mamalidha, ang Pilipinas ang na-clear nga makabakal sang F16 fighter jets nagikan sa Estados Unidos sang 2021 kag kinahanglan man nga makabakal sang Harpoon missiles ang pungsod.
