Nagpanawagan si House Deputy Minority Leader France Castro sa mga miyembro sang Kingdom of Jesus Christ (KOJC) nga untaton na ang pagpamalabag sa Philippine National Police bangod sila ang ginagamit lamang para sa pamulitika.
Sa interview sang Bombo Radyo Bacolod sa kongresista, nagapanawagan ini kay Pastor Apollo Quiboloy nga maggwa na kag atubangon ang mga kaso nga ginfile batok sa iya.
Suno diri, indi na sini paghulaton pa nga maglala pa gid ang sitwasyon kag indi na pagdalahigon ang iban.
Nagapanawagan man ini kay former President Rodrigo Duterte kag Vice President Sara Duterte nga ingganyohon si Quiboloy nga magwa na.
Samtang, ginpaandaman man sini ang kapulisan nga ipractice ang maximum tolerance agud malikawan nga madugangan pa gid ang masakitan.
Kag kun si-o man ang gindakop sang kapulisan nga mga miyembro sang KOJC, dapat sila ang ipaidalum sa insakto nga proseso santo sa layi.
Pahayag ni Castro, intindihon sang mga miyembro sang KOJC nga may atubangon nga kaso si Quiboloy kag kuntani likawan ang pag-intra sa kinagamo bangod nga ginagamit lamang sila sa political interest sang pila ka pulitiko sa Davao.
