Nagdihon sang sulat para sa Department of Agriculture kag Sugar Regulatory Administration ang kongresista sa 5th District sang Negros Occidental nga nagahingyo sang contingency plan para sa epekto sang El Nino nga nagakabatyagan na sa karun.
Sa interview sang Bombo Radyo Bacolod kay Congressman Bernardino Yulo, nakita sini nga may yara na sang supesyente nga rain clouds kag kinahanglan na lamang ang clouding seeding para magtupa ini.
Suno diri, mabatyagan na gid ang epekto sang tig-ilinit kun sa diin nagamala na ang duta kag ang mga pananom, ilabi na nga may dako nga kadutaan sa probinsya sang Negros Occidental nga ginatamnan sang tubo.
Nakahibalo man ini nga nagakinahanglan sang dako nga budget ang pagpatigayon sang cloud seeding apang ang mga mangunguma nagapangayo na sang ulan.
Sa karun, nagatrabaho gid ini nga mabuligan ang mga mangunguma samtang ginahulat ang approval sa sulat sini.
