Gin-athag ni Councilor Caesar Distrito nga wala nila gin-aprubahan sa Sangguniang Panlungsod sang Bacolod City ang resolusyon nga ginduso ni Councilor Homer Bais nga special audit sa legislative building sang ciudad.
Sa interview sang Bombo Radyo Bacolod kay Distrito, wala nila gin-aprubahan sa City Council ang resolusyon ni Councilor Bais bangud una, may yara sang resident auditor ang Commission on Audit nga nagpatigayon sang audit sa 2025, ikaduha may yara man sang ginapaabot nga audit report ang COA nga ginatapos para sa 2026 kag ginalauman nga ipagwa early next year.
Suno diri, sa report sang COA wala sang adverse findings sa mga proyekto nga ginpondohan sang loan sang ciudad kag isa na ang legeslative building.
Suno sa konsehal kun may yara sang adverse findings diri na masulod ang Audit Observation Memorandum (AOM) parte sa loan.
Dugang pa sang konsehal ang ciudad ang nag-comply man sa proseso sa loan kun sa diin ini ang gin-audit man sang resident auditor sang DBP.
Ginpahayag man sini nga wala pa matapos ang proyekto gani pre-mature pa nga maghambal nga may anomalya sa proyekto.
Suno sa konsehal kun delay naman ang paga-estoryahan, may yara sang nakabutang sa mga kontrata kun dapat mahatagan sang due process kag mapaeksplikar ang contractor kag kun indi justified may multa nga pagabayaran kag ini ang mahimo mabuhin sa balayran sang ciudad.
Suno kay Distrito dapat hulaton nga matapos ang proyekto antes ang conclusion.
Samtang, ginpaboran man ni Councilor Celia Flor nga ipatawag ang contractor sang legislative building agud mahibaluan ang rason kun ngaa delayed ang paghuman sang proyekto.
Suno kay Flor, wala pa natapos ang building kag may yara man sang audit nga ginapatigayon ang Commission on Audit kada tuig.
Suno diri, sa 2025 nga report wala sang adverse ukon anomalya nga nakita sa pagpatuman sang proyekto nga ginpondohan sang loan sang ciudad gikan sa DBP.
Ginpahayag man sini kun may adverse sa report sang COA may yara sang magwa Audit Observation Memorandum (AOM).
Dugang sang konsehal hulaton ang audit report nga para sa 2026 nga magwa sa January 2027.
Samtang ginapaboran niya man nga mapatawag ang contractor agud mapungkuan kag mahambalan ang rason sang delay sa proyekto.
