May ginabalay nga ordinansa si Bacolod City Councilor Wilson Jun Gamboa Jr., convenor sang Amlig Tubig, nga magaduso nga makuha sang Bacolod City Water District (BACIWA) ang pagmanage sang collections sa water distribution.
Sa interview sang Bombo Radyo Bacolod kay Gamboa, P150 tubtob P200 million ang ginakolekta sang PrimeWater Infrastructure Corporation nga karun nabuslan na sang Hiraya Water Corporation kada bulan.
Apang wala gid sang kantidad nga nagakadto sa ciudad sa baylo ini ang gina-alegar nga ginagamit para sa operation.
Panindugan ni Gamboa nga wala gid sang makita nga maayo nga improvement ukon ginkay-o nga equipment ang PrimeWater.
Pahanumdom sini nga ang ginagamit nga equipment kag facilities sang PrimeWater nga ginsalo man sang Hiraya ang iya sang ciudad, kag sila ang wala man lang ginapabayan bisan sang arkila.
Ini kaangay nga wala nagtupa ang ginpasalig nga investments para sa improvement sang serbisyo.
Suno diri, nangin negosyo ang dalagan sang water distribution utility, kag indi para sa pagserbisyo sa tawo.
Panindugan ni Gamboa nga dapat mabalik sa ciudad sang Bacolod ang management kag control.
Paagi sini, hinali nga may-ara gid man sang kapaltahan, may-ara gid sang mapapanabat.
Pahanumdom sini nga ang tubig ang basic essential needs sang pumuluyo, gani ini ang dapat ginamanage sang ciudad.
