Konsehal, nagaduso nga mapatuman man sa Bacolod City ang “Murang Gamot Program” sang PhilHealth

Ginaduso sang konsehal sa ciudad sang Bacolod nga mangin available na ang “Murang Gamot Program” sang Philippine Health Insurance Corporation (PHILHEALTH) nga mangin accessible na ini sa Bacolod City.

Sa interview sang Bombo Radyo Bacolod kay Bacolod City Councilor Atty Caesar Distrito, ang nasambit nga programa ang available lamang sa karun sa Metro Manila gani luyag sini nga mangin available sa Bacolod City agud nga mas madamo ang makabenepisyo nga mga miyembro sang Philhealth.

Sa nasambit nga programa ang tanan nga mga miyembro ang nagatanyag sang P20,000 kada tuig para indi na mabudlay ang mga pumuluyo sa pagbakal sang bulong.

Suno diri, ang mga miyembro kun mahospitalized sa government hospital ang wala na sang ginabayaran kun covered sang Philhealth apang nagapalibog sagihapon kun may balaklon nga bulong gani ginaduso niya nga ang Murang Gamot Program ang mangin available sa Bacolod City agud nga makabenepisyo man ang mga residente sang iban nga LGU sa Negros Occidental.

Sa pihak nga bahin nagpasar man ini sang resolusyon nga nagaduso sang paghatag sang patas nga opportunidad kag wala sang diskriminasyon sa Persons with Disability.