Nagapanawagan ang isa ka konsehal sa ciudad sang Bacolod sa publiko nga mangin aware sa mga sa trolls kag fake accounts matapos nga siya ang isa sa mangin biktima.
Sa interview sang Bombo Radyo Bacolod kay Councilor Claudio Jesus “Kalaw” Puentevella, nagakampanya ini batok sa mga trolls bangud kaangay lamang sang reports nga nabaton sini nga may isa ka peke nga social media account nga nakapangalan sa iya kag nagamessage sa pila ka individual nga magahulam sang kwarta bangud nashort ini sang inugpahimo sini sang tarpaulin nga indi man matuod.
Suno kay Puentevella nga ginpakamaayo man sini nga wala man sang nagpadala sang kwarta sa e-wallet.
Suno sa konsehal siya na ang nahuya sa ginahimo sang pila ka mga indibidwal.
Gintestingan man sini padal an ang ewallet number apang encrypted man ang pangalan gani wala mahibaluan kun sin o ang nagapanag-iya sang nasambit nga account.
Panawagan sang konsehal sa publiko nga mag-aligmat kag vigilante sa mga nagakatabo sa palibot agud nga indi mabiktima sang mga trolls nga nagahimo sang peke nga social media accounts agud magpamintaha.
