Para kay Bacolod City Councilor Renecito Novero, kun mapamatud-an nga may yara sang nagapamakal sang perma sang mga tawo para sa petisyon sa pag-ammenda sang konstitusyon sang Pilipinas, ini indi maalam kag indi insakto nga proseso sa pag-ammenda sang constitution sang Pilipinas.
Sa interview sang Bombo Radyo kay Novero, indi magnubo sa 12 porsyento ang kinahanglan nga perma sang registered voters sa bilog nga pungsod agud mapasa ang peitsyon, kag ini naga-require sang indi magnubo sa 3 porsyento nga pirma sang registered voters sa kada distrito.
Kasunod sini, iga-verify sang Commission on Elections (COMELEC) kun lehitimo ang mga perma kag pagalantawon kun nalab-ot na ang numero nga ginarequire sa pagpasa sang petisyon.
Suno kay Novero, ang progreso sa ekonomiya sang Pilipinas kag ang pagpasulod sa mga negosyante gikan sa luwas sang pungsod ang makahatag sa ila sang pwersa nga makadihon sa ekonomiya kag ang mga pilipinhon ang mangin kaangay sang tando-tando na lang sang mga manggaranon nga kapitalista gikan sa gwa.
Pahayag ni Novero, ang baklanay sang boto isa ka insulto sa sagrado nga proseso sa pagpili.
Samtang, aminado man ini nga maayo man pamaagi ang pagpaperma para sa mga tawo, apang sa karun may yara na sang nalakip nga mahigko nga pag-usar sini bangod sa gina-alegar nga mahigko nga progreso nga amo ang pagbayad sa mga tawo nga magperma.
Dugang pa sini, ang proseso sang constitution maayo nga proseso basta maayo ang motibo kag ang mga tawo nga nagdihon sang proseso.
Bilang chairperson sang committee on human rights, suno kay Novero, kun mapamatud-an ang alegasyon nga may yara sang ginapapermahan nga blangko nga papel sa mga tawo, ini indi maalam kag indi insakto nga proseso sa pag-ammenda sang constitution sang Pilipinas.
