regular inspection kag monitoring sa Bacolod Sanitary Landfill sa Brgy Felisa.
Sa interview sang Bombo Radyo Bacolod kay Counsilor Homer Bais, chairperson sa Committee on Environment and Ecology sa Sangguniang Panlungsod, sang tinalikdan, may mga isyu sa pagpatigayon sang inspection bangod ang Environmental Management Bureau – Negros Island Region ang nagpatigayon sang inspection kag water testing sa area nga wala nagkoordinar sa City Government.
Ini ang nasundan man sang City Government nga nagpatigayon man sang water testing, apang ang tikang ang gintawag naman nga self-serving.
Agud mahitso ang pagbasulay sa violations, ginaduso ni Bais ang pagtukod na lamang sang Landfill Inspection Monitoring and Investigation Team (LIMIT).
Ang team ang pangunahan ni Bacolod City Mayor Greg Gasataya bilang chairperson, Councilor Homer Bais bilang Vice Chairperson.
May representatives man gikan sa Bacolod Environment and Natural Resources Office, City Health Office, City Engineers Office, City Planning and Development Office, duha ka representative gikan sa host Barangay, duha sa accredited non-government organizations (NGOs), tatlo ka representative sang Academe, kag may-ara man sang personnel sang Department of Science and Technology kag EMB.
Sila ang magapatigayon sang air, soil, kag water testing, kasubong man audit sa waste volume, kag magatsekyar sang compliance sa mga requirements.
Ang operator nga magabayolar sa safety standard ang dagdagan naman sang notice of violation.
Paagi sa ordinansa, mahatagan sang pagtamod ang sanitary landfill nga ginagastuhan sang ciudad sang masobra P100 million kada tuig.
