Ginkumpirmar sang DPWH Bacolod City District Engineering Office nga expired na ang kontrata para sa pagbutang sang drainage sa Dalan Araneta apang wala pa gihapon natapos ang contractor ang trabaho.
Suno sa assistant district engineer nga si Engr. Leah Jamero, Calendar Year 2022 pa ang kontrata nga nakuha sang ALTA NEGROS apang wala pa nakumpleto ang proyekto bisan apat na ka bulan ang naglapse.
Bangud sini, may liquidity damages na ang contractor.
Ang drainage naman sa Lacson Street nga nakuha sang RIVSON CONSTRUCTION kag ang yara sa Lopez Jaena Street ang yara sa idalom sang Calendar Year 2023.
Suno diri, 70 porsyento na ang completion sang drainage sa Dalan Araneta, 15 porsyento naman ang completion sang yara sa Lacson Street, kag 10 porsyento ang yara sa Dalan Lopez Jaena.
Suno diri, mahinay ang progress sang yara sa Dalan Araneta bangud box culvert ang ginabutang diri kag mahinay ang contractor.
Nagcommit naman ang contractor nga tapuson ini bangud malip-ot nalang nga bahin ang wala natapos.
Santo sa program of works, ang rehabilitation sang drainage system sa Lacson Street ang 248 calendar days kag September 13, 2023 ang expected expiry.
Ginaengganyo naman ang mga ini nga mag-overtime kun gab-i agud indi maggutok ang dalagan sang trapiko.
Ginaduso man nila sa mga contractor nga dasigon ang pagtrabaho agud mahingalitan ang mainit nga panahon.
