Natana nga iga-extend tubtob sa bulan sang Enero ang kontrata sang IPM Construction and Development Corporation sa ciudad sang Bacolod.
Suno kay Councilor Claudio “Kalaw” Puentevella, chairperson sang Committee on Environment and Ecology sa Sangguniang Panlungsod, nagrequest ini sa City Mayor’s Office sa pag-extend sang serbisyo sang IPM sa paghakot sang basura sa ciudad.
Ang kontrata sang IPM ang tubtob na lamang sa Disyembre 31, 2023 apang ini ginpahanugutan nga mag-extend tutbob sa Enero 31, 2024.
Gin-extend man sa apat ka bulan ang kontrata sa tunga sang ciudad sang Bacolod kag IPM- Construction for Development and Management Corporation kun sa diin diri nalakip ang maintenance kag pagkay-o sa mga equipments nga ginagamit sang IPM sa paghakot sang basura.
Ini ginhatagan sang extension humalin Enero 1 tubtob Abril 30, 2024.
Suno kay Puentevella, ini gin-extend bangod indi mahapos ang pag-bid sa bag-o nga mangin garbage hauler sang ciudad kun sa diin madamo pa sang dapat nga iga-proseso para diri.
