Aprubado na sang Sangguniang Panlungsod sang Bacolod ang kontrata sang IPM Construction and Development Corporation para sa collection hauling kag disposal sang mga basura.
Ang kontrata ang nagasugod Pebrero 1 tubtob Disyembre 31, 2025.
Sa interview sang Bombo Radyo Bacolod kay Councilor Al Victor Espino, chairperson sa Committee on Laws and Ordinances sang Bacolod City Council, nabatun sang iya opisina ang aprubado nga kontrata alas-3:00 kahapon sang hapon.
Madumduman nga ang Approved Budget Contract ang balor P304 million samtang ang bid amount ang nagdangat naman sa P303 million.
Ini ang pirmahan ni Bacolod City Mayor Alfredo “Albee” Benitez kag magalabay sa ratification.
Ang proseso ang dapat matapos isa ka semana antes ang petsa sang pagka-epektibo sang kontrata.
Suno kay Espino, may gamay lamang nga pagbag-o sa kontrata kaangay sang pagpasaka sang hauling volume sa 400 tonnes per day gikan sa anay 347 tonnes per day sang 2024.
Nakapagkit man sang terms of reference nga dapat madugangan ang number sang garbage compactor trucks, nga mapasaka sa 35 gikan sa anay 20; pasakaon sa 60 ang garbage bins sa palibot sang ciudad gikan sa anay 20; kag dugangan sang 20 ang 3-Wheeled Motorized Waste Collection Units sang mga Barangay.
