Nagpasar sang unanimous resolution ang Sangguniang Panlungsod sa Bacolod agud nga kilalahon ang hinimuan kag kontribusyon sang nagtaliwan nga business tycoon kag politician nga si Eduardo ‘Danding’ Cojuangco Jr.
Nahibaluan nga si Danding ang nagtaliwan sa Saint Luke’s Medical Center sang Martes kag siya ang nagasuprer sang lung cancer.
Naga-edad ini sang 85.
Suno kay Councilor Dindo Ramos, principal proponement, gin-athag sini nga tanan sila mismo ang nag-author sa amo nga resolution.
Suno kay Ramos, dako gid ang nangin kontribusyon ni Danding indi lamang sa ciudad sang Bacolod kundi pati na sa bilog nga Negros Occidental.
Suno diri, gindala sini ang San Miguel Corp. sa ciudad nga nakabulig gid sa ekonomiya kag nakahatag sang trabaho sa madamo nga mga Bacolodnon.
Magluwas diri, may yara man si Danding sang Agro Industrial Investment kag amo man ini ang nagdala sang paho kag durian nga negosyo sa ciudad.
Dako man ang nangin bulig sang nagtaliwan nga pulitiko sa sugar industry sang probinsya.
Dugang pa sang konsehal nga nagapakig-unong gid ang city council sa kasubo sang pamilya Cojuangco.
Samtang, gindumdom naman ni Bacolod City Lone District Congressman Greg Gasataya ang mga programa ni Danding sa ciudad sang Bacolod.
Suno diri, isa sa mga programa sini nga nangin dako gid ang epekto amo ang scholarship program para sa mga public school teachers nga luyag magkuha sang Master’s Degree.
Suno kay Gasataya, dako gid ang nangin bulig sang scholarship program ni Danding sa mga manunudlo agud nga makapadayon sa pag-eskwela sa graduate school.
Isa man ini sa nakita nga rason ni Gasataya kun ngaa nagapadayon siya sa pag-upod sa Natonalist People’s Coalition nga political party.
