Ginpangiwala sang Movie and Television Review and Classification Board (MTRCB) nga nagapaidalom sa review sang ila ahensya ang kontrobersyal nga pelikula nga “The Rapists of Pepsi Paloma”.
Sa statement nga ginpaggwa sang MTRCB, ginpamatukan sini ang “false claim” nga gina-review sang board ang nasambit nga film kag gintumod nga kulang ini sa mga kinahanglanon nga requirements.
Gin-athag sang MTRCB nga indi sila makabaton sang mga materials gikan sa distributor PinoyFlix bangud nga ang legal affairs division sang board ang naga-require sang tatlo ka mga dokyumento kalakip na ang certificate ukon clearance nga nagakumpirmar nga wala sang pending nga criminal, civil, ukon administrative cases nagikan sa regional trial court, Department of Justice, kag office of the city prosecutor.
Dugang pa sang board nga wala nila ginatolerar ang ano man nga misinformation ukon wala kamatuoran nga mga pahayag.
Madumduman nga sang nagligad nga adlaw, ginmandu sang korte nga kakason ang Pepsi Paloma teaser kasunod sang petisyon nga ginsumiter sang aktor nga si Vic Sotto batok sa Director nga si Darryl Yap apang ginpahanugotan sa gihapon ang pag-release sang film.
