Korean Executive, ginbutang bilang overseer sa marketing kag public relations campaign sa paghost sang Pilipinas sang 2025 FIVB Men’s World Championship

Nagbutang sang Korean Executive ang Philippine National Volleyball Federation para mag oversee sang marketing kag public relations campaign sang 2025 FIVB Men’s World Championship sa Setyembre bangud ang Pilipinas ang magahost sang nasambit nga sports event.

Personal nga gindaho PNVF president Ramon Tats Suzara ang appointment letter ni Jeon Yongjun bilang direktor sang Marketing and Public Relations sang Local Organization Committee sang FIVB MWCH 2025.

Suno kay Suzara, ginalauman nga ipatuman ni Jeon ang Marketing kag promotional strategies sang Korea bangud ang iya nga role ang importante agud nga makita sang publiko ang kadalag-an sang nasambit nga event.