Ginamanduan sang Korte Suprema ang Senado nga maghatag sang komento sa petisyon nga ginfile sa tribunal nga nagapanawagan sang tikang natuhoy sa impeachment complaints batok kay Vice President Sara Duterte.
Una na nga nagfile si Catalino Generillo Jr., isa ka anay special counsel sang Presidential Commission on Good Government, sang isa ka petisyon para sa mandamus, nga nagahingyo sa Korte Suprema nga manduan ang mga miyembro sang Senado nga gilayon nga inconstitute ang ila mga kaugalingon bilang impeachment court kag magpatigayon sang trial.
Sa isa ka statement, ginpahayag sang korte nga ginrequire sini ang Senado nga magkomento sa petisyon sa sulod sang non-extendible period nga napulo ka adlaw humalin sang nabaton ang notice.
Sa iya petisyon, ginclaim ni Generillo nga ang Constitution ang wala nagapahanugot sa Senado nga magprocastinate samtang yara ini sa recess kun magaconstitute ini bilang impeachment court kag patigayunan sang trial ang bise-presidente.
