Ginpakigbahin ni Kris Aquino nga nagbulagay na sila sang iya nga boyfriend nga isa ka doctor.
Sang tinalikdan lamang nga tuig sang gin-share niya ang relasyon sa nasambit nga doctor.
Sa isa ka Instagram post, ginpakigbahin sang Queen of All Media kun ano ang natabo sa ila relasyon.
Nagapati si Kris nga wala siya ginpalangga sang iya former boyfriend.
Suno diri, ginbayaan siya sang doktor bangud luyag sini nga mag-travel, maglikaw sa pag-atipan sa iya nga may yara sang autoimmune diseases kag may magamay lang nga treatment options.
Gin-athag ni Kris nga ginhatagan niya ini sang insakto nga professional fees bisan nga magkahagugma sila.
Sa amo man nga post, naghatag sang update si Kris sa iya ikaayong lawas kag pamilya.
Gin-ako sang 54 anyos nga host nga naga-eksperyensya sia sa gihapon sang tuman nga kasakit.
