-- ADVERTISEMENT --

Ginpahayag ni Kris Aquino nga wala ini nagasuprer sang cancer kag maayo man ang iya blood sugar apisar nga magapadulong ini sa iban nga pungsod agud magpabulong.

Sa iya Instagram account, nagpost si Kris sang video samtang ginakuhaan ini sang dugo agud itest.

Suno kay Kris, wala ini sang cancer, maayo ang kahimtangan sang iya nga kidney, wala man ini sang diabetes kag stable man ang iya nga liver function bangud sa mga maintenance sini.

Suno sa iya, ang blood test ang agud makita kun viable ini para sa pagbulong nga luyag sini nga igatesting kun siya ang magapadulong abroad.

Magluwas diri, nagkonsulta man si Kris sa isa ka allergy specialists.

-- ADVERTISEMENT --

Nagpasalamat ang Queen of All Media sa tanan nga nagpabutyag sang suporta kag pagpangamuyo para sa iya kag mga pinalangga sini sa kabuhi.

Sang tinalikdan nga semana, nagpangayo ini sang pagpangamuyo para sa iya ika-51 nga kaadlawan kag ginpahayag nga ginbisita sang iya mga doktor ang medical history bangud may yara sang “something” nga na-overlook.

Sang tinalikdan nga tuig, gindiagnose si Kris nga may yara sang autoimmune disease kag sugod sadto, ginpakigbahin na sini ang estado sang iya ikaayong lawas.