Ginpahayag ni Kristaps Porzingis nga determinado ini sa paghampang para sa Boston Celtics batok sa Dallas Mavericks sa game three sang NBA Finals apisar sa injury sini nga iya ginadudahan nakaapekto sa iya fitness.
Gin-anunsyar sang Boston nga nagsuprer sang injury sa nawala nga tiil si Porzingis gikan sa game 2 sang Lunes kun sa diin dako ang nangin bulig sini sa 2-0 lead sang team sa best-of-seven series.
Nagpanindugan si Porzingis nga determinado ini maghampang basta siya ang pahanugotan sang medical staff.
Apang, para naman kay Boston coach Joe Mazzulla, seryuso ang injury ni Porzingis kag ang pinal nga desisyon kun siya makahampang ang nakabase sa Boston medical staff.
Suno kay Mazzulla, nakahibalo ini nga mahatag ni Porzingis ang tanan sini nga kasarang para maghampang sa game three apang ang desisyon ang magagikan sa gihapon sa medical team.
Bantayan ang game three sang NBA Finals subong nga aga, alas- 8:30 oras sa Pilpinas.
