Ginpatpat sang Chief Forensic Doctor sang Regional Forensic Unit- Negros Island Region ang ila findings sa bangkay ni Kristine Joy Dignadice.
Sang Sabado, Nobyembre 2 nagsungka ang suspect nga ginkilala nga si Police Staff Sgt. Enrique Gonzalodo, nga mobile patroller sang Bacolod Police Staton 5 kun sa diin gin-ako sini nga natabo ang krimen sa Bacolod-Talisay intersection sang Bacolod-Silay Airport Access Road.
Gintudlo man ni Gonzalodo kun sa diin sini ginhaboy ang bangkay ni Dignadice sa Central Ma-ao, Brgy Don Jorge Araneta sa Bago City.
Suno kay Police Major West Edquila, wala nagabusong si Dignadice kag negatibo nga ginhimuslan ang biktima apisar nga nakit-an nga nagalapta ang iya upper garments kag ginluslos ang iya dilargo.
Suno diri, isa lang ka igo sang bala ang nakita sa lawas ni Dignadice kag ini ang yara sa natuo niya nga abaga nga naglapos sa iya liog.
Apang, wala sang may nakita nga basiyo sang bala sa lugar kun diin natabo ang krimen apisar nga makatatlo na nila gintsekyar ang salakyan.
Ginpahayag man ni Gonzalodo nga accidental firing ang natabo matapos nga mag-agaway sila sang armas luthang.
Dugang pa ni Edquila, nagasanto sa pahayag ni Gonzalodo sa kun san-o sini ginpatay si Dignadice sa kadugayon antes nasapwan ang bangkay nga yara na sa state of decomposition.
