Naglapaw na sa 8,000 ang kumpirmado nga kaso sang Ebola virus sa Democratic Republic of Congo nga mas nagbudlay na gid tapnaon bangud pila na lamang ang mga nabilin nga health workers sa pungsod.
Gin-anunsyar sang DR Congo ang outbreak sang Mayo 15, tuga sang rare Bundibugyo virus, nga wala sang treatment ukon bakuna.
Base sa pinaka-latest nga datos naggikan sa health ministry sang DR Congo, 8,067 ka kaso na ang na-record, sa diin 3,901 na ang napatay as of September 26 sa bug-os nga 63 health zones sa pito ka probinsya.
Santo sa World Health Organization, dako nga porsyento sang mga infected ang nagakapatay nga may fatality rate nga 48 percent, luwas pa diri ang mga kaso sang na-delay sa pagbulong, ukon ang mga kaso nga wala na-record.
Sang nakaligad nga semana, nagpahayag ang WHO nga may kakulangan na sa mga health workers para sa pagtapna sang balatian.
Nagareklamo ang mga health workers sang tuman ka delay nga sweldo.
Santo sa Africa Centers for Disease Control and Prevention, 50 na ka mga health workers ang ginbawian sang kabuhi humalin sang nag-umpisa ang outbreak.
