-- ADVERTISEMENT --
Naghatag sang pahanumsom ang Kura Paroko sang Triumph of the Holy Cross Parish Bacolod sa pag-umpisa sang Misa de Aguinaldo bwas, Disyembre 16.
Sa interview sang Bombo Radyo kay Rev Fr Chris Gonzales, ginpa-athag sini nga ang Simbang gabi amo ang normal advent mass kag ang Misa de Aguinaldo naman amo ang misa kada kaagahon nga ginahalad para kay Birhen Maria.
Suno diri, ang siyam ka adlaw nga Misa de Aguinaldo nagakahulugan sa siyam ka bulan nga pagdumala ni Maria kay Hesu Kristo.
Paagi sa pagsimba, ginapakita sang tawo ang pag-upod sini sa pagbusong ni Maria tubtob sa adlaw nga ginbun-ag sini ang manluluwas sang kalibutan.
Pahanumdom sang Kura Paroko, dapat dumdumon kun ano ang intensyon sang pagsimba.
-- ADVERTISEMENT --
