Tatlo ka butang ang ginalauman sang business sector sa ciudad sang Bacolod sa patigayunon nga ikalima nga State of the Nation Address (SONA) ni President Ferdinand “Bong” Marcos Jr, subong nga adlaw, July 27.
Sa interview sang Bombo Radyo Bacolod kay Frank Carbon, Chief Executive Officer (CEO) sang Metro Bacolod Chamber of Commerce and Industry (MBCCI), ang una nga ginalauman sang mga ini nga mahatagan sang solusyon amo ang korupsyon bangud ang mga investors sa luwas sang pungsod ang nahadlok mag-invest.
Suno kay Carbon, bangud sini wala sang dugang nga kalidad nga mga trabaho.
Aminado man ini nga bisan sila nga local nga mga negosyante ang nagapang-alang alang sa pagpadayon sang ila nga negosyo bangud ang korapsyon ang indi lamang sa national bangud nagakatabo man local.
Ini matapos nga may pila ka empleyado sang ciudad nga nag-inum sa isa ka bar kag wala nagbayad sa rason nga sila ang government employee.
Suno kay Carbon, ikaduha nga ginalauman sang mga ini nga masolusyunan ang problema sa pagkaon bangud tuman nagid kamahal bangud kalabanan sang mga ginakaon kag isa na diri ang bugas ang ginaimport.
Suno pa diri ang ulihi nga ila luyag masolusyunan ang kulang nga supply sang kuryente bangud essential ini sa mga negosyo.
Luyag man nila nga mabatian sa business sector ang paghatag sang solusyon sa problema sang sugar industry bangud indi lang ini sa Negros bangud ini ang industrya sa bug-os nga Pilipinas.
