Ginpahayag sang political analyst nga kwarta sa gihapon ang nagadesisyon sa impeachment case ni Vice President Sara Duterte.
Sa interview sang Bombo Radyo kay Atty Jomax Ortiz, alas- 3:00 karun sa hapon maumpisa ang debate sa tatlo ka grounds sang consolidated articles of impeachment sang bise presidente sa House of Representatives.
Suno diri, sa 318 ka miyembro sang House of Representatives, one-third ang kinahanglan nga boto para mapasaka na sa Senado ang impeachment.
Suno kay Ortiz, sa iya forecast indi magnubo sa 200 ang magaboto nga pabor bangod bisan sa mga political party sa karun may yara sang pagbaylohanay pero klaro nga ang kaban sang gobyerno gina-uyatan sang Malacañang.
Kun may yara sang magbaylo sang allegiance nga indi pabor nga mapasar ang articles of impeachment basi kun indi makabaton sang budget ang opisyal.
Pahayag ni Ortiz, karun na sa hapon ang debate kag kun mapasar ini, mahimo na nga mapasa bwas ang article of impeachment sa Senado nga amo ang magaconvene bilang impeachment court.
Apang, kun may grupo nga magpamatok, mahimo nga may matabo nga kudeta sa Senado.
