Kyle Echarri, nagpa-athag nga magulang ang pagkabig niya kay Piolo Pascual kag indi karelasyon

Gin-athag ni Kyle Echarri nga kaangay lamang sang isa ka magulang sa iya si Piolo Pascual.

Ini ang sabat ni Kyle samtang ginapanginwala ang mga espekulasyon may kaangtananan sa ila relasyon bangud sang ila close bond.

Ginpakigbahin ni Kyle nga nangin source sang suporta si Piolo sa tuman ka importante nga tion sa iya kabuhi nga amo ang nangin halinan sang pundasyon sang ila “brotherhood.”

Ang duha ang magkaupod nga nagtrabaho sa pila ka mga proyekto kag natalana nga mag-updanay naman sa father-son action film.

Samtang nagatutok sa iya career, ginpaathag ni Kyle nga wala siya nagadali nga magsulod sa isa ka relasyon.