May malip-ot nga mensahe si Kylie Padilla matapos ang pag-ako ni AJ Raval nga may lima na ini ka bata kag tatlo diri iya ni Aljur Abrenica, nga anay niya nga bana.
Wala sang pangalan nga ginhambal si Kylie sa post sini sa social media apang ginpahayag sini nga madugay niya na nga nahibaluan ang sitwasyon.
Suno diri, madugay na niya ini nga nahibaluan apang mas ginpili nila nga unahon ang ila mga kabataan.
Dugang pa sini, iya ginakalipay nga indi na kinahanglan pa nga may tagoon kag nagalaum ini nga matapos na ang drama.
Mahibaluan nga gin-ako ni AJ nga may lima na ini ka bata, pito ka tuig ang pinakamagulang nga ginsundan sang gintawag sini nga “angel” na kag ang tatlo nga amo ang bata sini kay Aljur.
Tuig 2018 sang ginkasal si Kylie kag Aljur kun sa diin may yara sila sang duha ka bata kag nagbulagay sila sang 2021.
Gin-akusahan sadto si Aljur nga ginluiban sini si Kylie apang ginpanginwala ini ni AJ nga siya ang rason sa pagbulagay sang anay mag-asawa.
Ginpagwa sa publiko ni Aljur kag AJ ang ila relasyon sang Valentines Day tuig 2023.
