May nakita na nga duta ang Local Government Unit sang La Castellana, Negros Occidental nga balaklon agud nga butangan sang mga residente sang banwa nga naapektuhan sang bagyo Tino.
Sa interview kay La Castellana Municipal Vice Mayor Rhummyla Nicor-Mangilimutan, may nakita na sila nga lugar sa Barangay Robles nga mahimo baklon agud himuon nga relocation site.
Suno kay Mangilimutan kun tingubon ang mga totally damage ang balay bangud sa bagyo kag mga nagapuyo sa lugar nga prone sa pagbaha magadangat sa 600 ka pamilya.
Apang bangud ang iban ang may yara naman sang kadtuan, nagdangat nalang sa 300 pamilya ang kinahanglan nga i-relocate.
Ang lugar ang may kalaparon nga 8.3 hectares apang ang flat nga area ang yara lamang sa 6 hectares kag ang nabilin ang indi na patag.
Suno sa bise alkalde ang lugar ang sarang nga makaamodar sang kinahanglan nga irelocate nga mga pamilya nga naapektuhan sang Bagyo Tino.
Ang kwarta nga gamiton sa pagbakal sang duta ang magahalin sa P10 million nga financial assistance nga ginhatag sang Office of the President sa banwa.
