La Castellana, naka-eksperyensya sang mga pagbaha bangod sa madamol nga ulan kahapon apang wala sang apektado nga pamalay

Wala sang may narecord nga apektado nga pamalay kasunod sa pagbaha matapos ang pagbubo sang madamol nga ulan sa banwa sang La Castellana kahapon, Enero 2.

Sa interview sang Bombo Radyo kay La Castellana Municipal Disaster Risk Reduction and Management Office Head John de Asis, passable ang pila ka mga dalan sa La Castellana matapos ang paglibot sang otoridad agud i-tsekyar ang pila ka mga lugar.

Apang, naguba ang temporaryo nga taytay nga gin-ubra sang pila ka mga pumuluyo sang nakaligad nga Bagyo Tino.

Ini bangud sa kabaskog sang daludo sang tubig sa suba.