Nagtipon ang mga miyembro sang Sentrong Alyansa ng Mamamayan Para Sa Bayan ukon SAMBAYANAN-Negros sa Bacolod City Public Plaza kadungan sang ika-123 nga Labor Day celebration.
Sa interview sang Bombo Radyo Bacolod kay Sambayanan – Negros Coordinator Alejandro Bañare, alas-7:30 sang aga sila umpisa nga nagtipon kag nagsugod sa pagmartsa alas-8:00 sang aga.
Sila ang may ginpatigayon man nga gamay nga programa kun sa diin ginpanawagan sa gobyerno ang paghatag sang importansya sa importante nga papel sang mga mamumugon sa sosyodad.
Panawagan sang mga ini nga hatagan sang suporta ang nasambitan nga sektor.
Ang mga nagtipon ang ginabug-usan sang masobra 150 ka mga miyembro nga gikan pa sa Escalante, Cadiz kag Sagay City sa Northern Negros Occidental; Kabankalan City, Cauayan, La Castellana kag Hinigaran sa Southern Negros Occidental; kag may mga nag-upod man nga gikan sa Guihulngan City, Negros Oriental.
