Ginpahayag sang secretary general sang General Alliance Workers Association (GAWA) nga wala mabatyagan sang mga pumuluyo ang pagsanyog sang ekonomiya sang Pilipinas.
Sa interview sang Wennie Sancho, figures lamang ang ginapakita sang gobyerno kag ginahambal nga nagsanyog ang ekonomiya.
Suno kay Sancho, wala ini sang epekto sa mga pumuluyo ilabi na sa mga mamumugon bangud mahal ang mga balaklon.
Suno pa diri, tuman man kanubo ang purchasing power kag tuman na kataas ang gasto sa mga balay.
Apang ang sweldo sa mga mamumugon ang wala man nagsaka kag tubtob sa karun wala pa mapatuman ang wage increase.
Ginalantaw man ni Sancho nga ang figures ang ginapakita lamang sang gobyerno agud nga ipakita nga nagasanyog ang ekonomiya.
Nagpanawagan man ini sa gobyerno nga ipaathag sa layman’s term ang mga figures agud nga mahangpan sang mga kunsumidor kun paano mahambal ang pagsanyog sang ekonomiya.
