Padayon nga naga-apelar ang labor sector sa mga employers nga ihatag na ang 13th month pay sang ila mga empleyado antes mag-Disyembre 24.
Sa interview sang Bombo Radyo Bacolod kay Wennie Sancho, secretary general sang General Alliance of Workers Association (GAWA), ginpahayag sini nga nagahingyo gid ang labor sector sa management nga ihatag kun ano ang nagakadapat sa mga mamumugon santo sa layi ilabi na subong nga may yara sang COVID-19 pandemic.
Suno kay Sancho, pananglitan nga mahatagan na ang tanan sang 13th month pay, magakadto man ini gihapon sa domestic spending kag magabulig sa pagpasanyog sang ekonomiya.
Samtang, ginpahayag naman sini kabug-usan nga 6,852 ka mga establisyemento kag 126,808 ka mga empleyado sa Region 6 ang apektado sang pandemic.
Suno kay Sancho, 1,783 ka mga establisyemento ang naga-practice sang flexible working arrangement kun sa diin masobra 47,500 ka mga mamumugon ang apektado.
4,106 establishments naman ang temporaryo nga nagsirado nga nag-apekto naman sa 71,607 ka mga empleyado.
Samtang. 163 establishments naman ang permanente nga nagsirado kun sa diin 1,419 workers ang naapektuhan.
Kag 800 ka mga establisyemento sa Western Visayas ang nag-retrenched.
Suno kay Sancho, apisar may yara sang napagkit nga unemployment bangud sa pandemic, apang indi gid tuman ka dako sang igo bangud 1% lamang sang kabug-usan nga 61,783 ka mga establisyemento sa Region 6 ang apektado.
