Ginapanawagan sang labor group nga ma-institutionalize ang Ayuda sa Kapos ang Kita Program (AKAP) sang Department of Social Welfare and Development agud patas nga mahatag kag indi magamit sang mga politiko sa pagpangampanya.
Sa interview sang Bombo Radyo Bacolod kay Sentro ng mga Nagkakaisa at Agresibong Manggagawa (SENTRO) Secretary-General Joshua Mata, importante para sa mga pigado nga Pilipino nga may programa ang gobyerno nga makabulig agud mapahagan-hagan ang ila nga pag-antos.
Apang sa baylo ang AKAP ang nangin kabahin na sang patronage politics, nga rasun kun ngaa ini ang ginayaguta.
Suno kay Mata, dapat nga ma-institutionalize ang programa agud tanan nga minimum wage earners ukon nagasweldo sang mas manubo pa ang malakip kag indi na kinahanglan nga magpila pa sa mga politiko.
Pahayag ni Mata nga sa politiko, kaangay nga nagapakitluoy pa ang mga pumuluyo apisar nga ang pondo ang kwarta man sang pumuluyo nga Pilipino.
Panindugan sini nga sa AKAP, ka-alyado man ukon indi, dapat hatagan ang tanan nga nagakinahanglan.
