Nagpanawagan ang General Alliance of Workers Association (GAWA) sa presidente nga hatagan sang immediate economic relief ang mga minimum wage earners ilabi na subong nga may yara sang krisis.
Sa interview sang Bombo Radyo Bacolod kay Wennie Sancho, secretary general sang GAWA, subong nga adlaw, Labor day, may patigayonon nga rally ang mga mamumugon para ipabutyag ang kabudlayan sang mga workers.
Suno diri, ginalauman sini nga mangin meaningful ang selebrasyon sang Labor Day apang bangod sa dako nga problema sa economic crisis sa korapsyon sa gobyerno kaangay nga day of oppression ang matabo kag indi day of emancipation.
Suno kay Sancho, ang P550 per day nga sweldo may yara sang real value nga P412 lamang bangod sa pagnubo sang value sang P1.
Para sa iya, kun tutukan sang husto, mas manubo pa ang value sang P1 bangod sa inflation.
Pahayag sini, ang transport sector nahatagan sang subsidiya apang indi sini maintindihan kun ngaa ang mga minimum wage earners wala mahatagan sang immediate economic relief bangod ang mga mamumugon ang apektado man sang kapigaduhon.
