Ginpanindugan sang Secretary General sang General Alliance of Workers Association (GAWA) nga tuman ka gamay sang P500 nga budget para sa Noche Buena.
Ini matapos ang pahayag sang Department of Trade and Industry nga makaigo na ang P500 para sa Noche Buena celebration.
Sa interview sang Bombo Radyo Bacolod kay Wennie Sancho, ang P500 nga budget para sa Noche Buena ang nagakaigo sadtong year 2000.
Pangabay sini sa DTI nga kuntani antes nagpagwa sang ila nga statement, una sila nga nagkonsulta sa mga workers kag consumers.
Nagapati ini nga ang ginrelease nga statement ang propaganda lamang sang ahensya agud mapabatyag kuntani sa pumuluyo nga bisan nagalala ang kapigaduhon sarang gihapon makaselebrar sang Paskwa.
Apang pahanumdom sini nga kuntani realistic man ang ipagwa nga computation.
Sa iya paglantaw sa presyo sa karun sang mga produkto, ang ginalaragway sang DTI nga suffecient food preparation ang magadangat sa balor P3,000 tubtob P4,000 kag budget meal na katama ang P2,000.
Pahanumdom ni Sancho nga sa average nga pamilya nga may lima ka miyembro, tuman ka nubo sang P500 nga budget.
Sarang man nga mapanubuan ang gasto sa Noche Buena, apang ginakahangawa ni Sancho nga maapektuhan na ang nutritional value sang pagkaon bangod ini ang tipiron na sa ingredients.
