Ginpahayag sang Secretary General sang General Alliance of Workers Association (GAWA) nga mapadayon ang protest rally tubtob nga wala sang may napreso nga korap nga opisyal sang gobyerno.Sa interview sang Bombo Radyo Bacolod kay Wennie Sancho, kahapon pila ka sektor ang nagpakita sang ila kaakig sa indi husto nga panggobyerno.
Suno diri, iya ginapamangkot kun ngaa ginadakop ang yara sa idalom apang indi ang mga dalagko nga personalidad kaangay sang Senado kag Kongresista nga mga kawatan man.
Pahayag ni Sancho, mabudlay kun mag-abot ang adlaw nga maglupok ang balatyagon sang mga pumuluyo kag magresulta sa social unrest.
Suno kay Sancho, dapat nga islan na ang pamatasan nga sulit-sulit ang ibutang nga nawong, apelyido kag korap nga tawo sa pwesto.
