Mataas ang ekspektasyon sang General Alliance of Workers Association (GAWA) kay President Ferdinand “Bongbong” Marcos Jr. matapos ang iya inaugural speech kahapon kun sa diin iya ginpahayag nga handom man sini ang handom sang mga pumuluyo.
Suno kay GAWA Secretary General Wennie Sancho, apisar nga manami ang speech writer ni Marcos Jr., ang pamangkot sang labor sector kun matupa bala ang iya mga ginpangbuy-an nga tinaga kag dapat niya ini pamatud-an.
Suno kay Sancho, sa mga mamumugon, simple lamang ang ila handum kag ini ang makaangkon sang pagkaon sa lamesa, bayo kag puluy-an kag kun ini ang mahatag consistently, sila ang malipay na.
Suno sa iya, ang labor setcor amu ang social, economic kag primary force sang pungsod gani nagalaom sila nga tumanon ni Marcos Jr. ang iya mga promisa.
Suno diri, crucial para sa bag-o nga Presidente ang una sini nga 100 ka adlaw bangud dapat nga mapabangon sini ang ekonomiya, masolbar ang unemployment kag mabalik ang kumpyansa sang mga tawo sa gobyerno.
