Nagapati ang pila ka mga labor groups sa Bacolod City nga maga-improve ang operasyon kag serbisyo sang Central Negros Electric Cooperative (CENECO) ang ginapropose nga joint venture agreement sang electric cooperative kag MORE Power.
Sa interview sang Bombo Radyo kay General Alliance of Workers Association (GAWA) Secretary General Wennie Sancho, 20 ka mga labor leaders ang nagperma sang resolusyon kaina nga nagapabutyag sang pagsuporta sa JVA.
Suno kay Sancho, ang kaundan sang resolusyon ang nagapahayag nga kun may yara sang estable kag masaligan nga power supply, mas maka-attract ini sang mga investors.
Suno diri, kun may mga investors, magadamo man ang job opportunities kag maga-improve ang ekonomiya.
Suno sa iya, indi lamang infrastructure ang maga-improve kundi pati ang teknolohiya agud ma-enhance kag mapasanyog man ang serbisyo sang CENECO sa mga konsumedor.
Gindugang man sini ang asod-asod nga power interruptions sang nagligad nga semana kag apisar nga ginabasol sang electric cooperative ang National Grid Corporation of the Philippines (NGCP), dapat may yara sang mekanismo ang CENECO agud malikawan ang inconvenience.
Suno kay Sancho, ang ila pagperma sang resolusyon ang manifestation sang ila suporta.
Nagalaom ang labor sector nga ang JVA ang mangin solusyon sa problema sa kuryente sa ciudad
