Ginpatpat sang Secretary General sang General Alliance of Workers Association (GAWA), ang pila ka isyu sa trabaho nga ginapangatubang sang probinsya kasunod sa selebrasyon sang Labor Day, subong adlaw sang Lunes, Mayo 1.
Sa interview sang Bombo Radyo kay Wennie Sancho, sa bahin sang mga trabahador sa sugar industry, may yara sang kapin 300,000 nga sugar workers sa probinsya sang Negros Occidental kag kapin 700,000 naman ang numero sang mga Pilipino ang direct employed sa sugar industry.
Ginkwestyon sini kun may yara sang improvement sa trabaho sa kampo sa industriya sang kalamay kasubong man nga naghingyo ini sa gobyerno nga magtukod sang programa nga makahatag sang asisstance sa mga mamumugon nga wala sang trabaho.
Kasubong man nga ginpadalman sini ang isyu nga ginaduso sang mga tabahante nga wage increase.
Apang suno kay Sancho, antes ini matuman, dapat unahon sang gobyenro nga panubuon ang inflation rate bangod nga kun magnubo ini apisar pa nga wala sang saka sa sweldo sarang sa gihapon sang tagsa nga magpangabhuhi sang insakto bangod nga barato ang balaklon.
Samtang, nagpanawagan man ini sa Department of Labor and Employment nga hatagan sang solusyon ang nagakatabo nga kapabayaan sa mga emplayado nga underpaid, underfeed, underprotected kag under employed.
Suno diri, ang mga empleyado nga nagapadangat sang reklamo sa nasambit nga ahensya, nagadangat sa pila pa ka bulan antes ma-settle ang ila problema.
Dako ang pagpati ni Sancho, nga may koneksyon ang mga employer sang dako nga kompaniya sa DOLE.
Pahayag ni Sancho wala sang kauswagan ang Pilipinas kag wala epekto ang labor day kun indi ma-akomodar ang problema sang mga trabahante.
