Nagalaom si Labor Secretary Silvestre Bello III nga ang iban nga regional wage board ang maga-issue man sang mando para sa minimum wage increase sa maabot nga mga semana.
Madumduman nga sang Sabado, ang Department of Labor and Employment (DOLE) ang nag-anunsyar nga ang minimum wage sang mga trabahante sa National Capital Region ang magasaka sang P33 samtang ang sa Western Visayas ang magasaka sang tubtob P110.
Santo sa statement ni Bello, ginapasalamatan sini ang wage boards sa pagpamati sa panawagan nga pagpatigayon sang review sa karun nga minimum wage sa nasambit nga mga rehiyon.
Dugang pa sini nga kasunod sang NCR kag Western Visayas, ginalauman sini nga ang iban pa nga regional wage boards ang maga-issue man sang ila tagsa ka wage orders sa masunod nga mga inadlaw ukon semana.
Ang nasambit nga increase ang magatuga agud nga ang daily minimum wage sa NCR ang magsaka sa P570 sa kada empleyado sa non-agricultural sector kag P533 naman para sa nagatrabaho sa agricultural sector.
Samtang, ang daily minimum wage sa Western Visayas ang magasaka na sa P450 sa mga may masobra sa 10 nga empleyado samtang P420 naman sa mga manubo sa 10 ang empleyado.
