Patay ang isa ka 42-anyos nga laborer sa Barangay Salong, Kabankalan matapos ginluthang sang tag-iya sang ido nga iya ginsaway.
Sa interview sang Bombo Radyo kay Police Lt. Dennis Melgarejo, deputy chief sang Kabankalan City Police Station, nagikan sa isa ka birthday party ang biktima nga si Carlo Norbe, residente sang Barangay Tabo, Ilog, sang naglabay ini sa balay sang suspetsado nga wala pa sa karun ginhingadlan sang kapulisan kag siya ang ginsugat sang ido.
Nagwa naman ang tag-iya sang ido kaupod ang abyan sini nga alyas JR, residente sang banwa sang Candoni kag sila ang ginhambalan sang suspetsado nga bantayan ang ila ido agud indi makahalit sa iban.
Nagbalos ang mga ini saway kay Norbe kag hinali lamang ini nga ginluthang.
Nakaagom ang biktima snag duha ka pilas sa likod sang nawala sini nga abaga.
Ginhingagaw pa ini dala sa ospital apang nadulaan gid sang kabuhi.
Nakapalagyo naman ang mga suspetsado kag sa karun padayon pa nga ginapangita sang mga kapulisan.
Sila ang magapangatubang sang kaso nga murder.
