Liwat na nga ginakay-o ang base sa dalan Lacson extension sa Bacolod City nga pila ka semana nga ginbakbak kag napabay-an.
Sa interview sang Bombo Radyo Bacolod kay Bacolod City Engineer’s Office Head Engr. Loben Ceballos, ang nasambitan nga dalan ang proyekto mismo sang Bacolod City.
Kun sa diin, sila ang nagapatigayon sang reblocking ukon pag-ilis sang mga buka-buka na nga dalan.
Aminado si Ceballos nga siya ang nakabatun naman sang madamo nga complaint natuhoy sa ginbakbak nga dalan apang ginpabay-an.
Paathag sini nga wala napadayun gilayon ang proyekto bangod sila ang nakaangkon sang problema sa nadelay nga shipment sang premix.
Suno diri, naplastar na kuntani ang base, kag buhusan na lamang sang premix apang nagdelay ang delivery.
Bangod sini, sa karun ginpasulit nila ang pagplastar sang base bangod ini ang makapila na nga nabasa sang ulan.
Pasalig ni Ceballos nga mapadayun nagid ang reblocking project subong nga Enero, apang siya ang wala pa sang updated deadline kun san-o matapos.
Pahayag sini nga pakyawan ang kontrata sang ciudad sa contractor.
