Ginalantaw sang gobernador sang Negros Occidental nga ipabilin sa modified general community quarantine ang status sang probinsya sa masunod nga bulan.
Sa interview sang Bombo Radyo kay Governor Eugenio Jose Lacson, low risk ang pinakaulihi nga assessment sang Department of Health sa COVID situation sa Negros Occidental gani mahimo nga indi maupgrade ang quarantine status nagikan sa subong nga MGCQ.
Ginakabig ni Lacson nga blessing nga wala sang mga may nareport nga adverse effects sang bakuna apang indi pa kuntento ang Provincial Health Office sa acceptance sang tawo sa COVID vaccine bangud may yara sang nagapili sang brand.
Naghingyo man ang gobernador sa mga nagapanag-iya sang resort kag iban pa nga tourist accommodations nga sundon ang ginapahanugutan nga capacity sang bisita nga akomodaron.
Aminado si Lacson nga kinahanglan nila nga maka-income apang kinahanglan man nga ipatuman ang pagsulundan.
Kagab-i, nagmandu si Presidente Rodrigo Duterte nga arestuhon ang mga punong barangay nga nagapahanugot sang mass gathering gani tsekyaron sang gobernador sa Philippine National Police kun naga-apply ini nationwide ukon para lang sa National Capital Region.
