Kaangay nga ‘yucky’ kun lantawon apang ‘yummy’ naman kun kaonon.
Ini ang peanut worm nga ginakuha sa dagat kag madamo sang nagahambal nga manamit kag healthy pa kun kaonon.
Ang ini nga klase sang lago kun kaisa ginakaon nga hilaw sang mga residente sang Lanao del Norte.
Mahimo sini nga palabaon kag panuboon ang iya lawas.
Suno kay Nonie Enolva, OIC sang MFRMS – Bureau of Fisheries and Aquatic Resources, ini ginatawag nga peanut worm bangod kaangay nga daw binhi kun ginapagamay sini ang iya lawas.
Ang peanut worm, manggaranon sa protein kag minerals kaangay sang zinc para sa immune function, iron nga nagasuporta sa blood formation, kag makabulig nga malikawan ang anemia kag may calcium man ini nga nagapabakod sa tul-an kag nerve function.
Apang, paandam ni Enolva, generally indi safe nga kaonon ang peanut worm kun hilaw bangod mataas ang risgo sang bacterial contamination ilabi na kun ginkuha ini sa polluted areas.
